اسلام آباد)بيورو رپورٽ) پاڪستان آءِ ايم ايف کي وزيراعظم جي سطح تي سڌارن تي عملدرآمد جي ضمانت ڏئي ڇڏي آهي. ناڻي واري وزارت جي اختيارين موجب 30 جون تائين ملڪي پرڏيهي مٽاسٽا جي ذخيرن کي 2 مهينن جي درآمدن جي برابر آڻڻ تي اتفاق ڪيو ويو آهي، پاڪستان کي دوست ملڪن، عالمي ادارن ۽ تجارتي قرضن ذريعي 10 ارب ڊالرن کان وڌيڪ جو انتظام ڪرڻو پوندو. آفيسرن جو چوڻ آهي ته هن سال معاشي ترقي جي شرح 2 سيڪڙو ۽ مهانگائي 29 سيڪڙو کان وڌيڪ رهڻ جو اندازو آهي. ذريعن موجب پاڪستان وزيراعظم جي سطح تي سڌارن تي عملدرآمد جي لاءِ آءِ ايم ايف کي گارنٽي ڏئي ڇڏي آهي، دوست ملڪ ۽ عالمي مالياتي ادارا به موجوده قرض جي پروگرام جي نگراني ڪندا، جڏهن ته آءِ ايم ايف کان 2.5 بلين جو قرض ملڻ کانپوءِ. ڊالر جون 2023 تائين. اهو پروگرام ختم ٿي ويندو، جيڪڏهن ضرورت پئي ته پاڪستان ايندڙ مالي سال ۾ قرض جي نئين پروگرام لاءِ درخواست ڏيندو.اختيارين موجب آءِ ايم ايف جو ايگزيڪيوٽو بورڊ 1.1 بلين ڊالرن جي قسط جي منظوري 3 کان 4 هفتن ۾ معاهدي کانپوءِ ڏيندو، جڏهن ته پاڪستان جو مفاد آءِ ايم ايف پروگرام ۾ رهڻ آهي.
