بريڊ فورڊ (ويب ڊيسڪ)سنڌ جي گورنر ڪامران خان ٽيسوري جو چوڻ آهي ته پاڪستان فوج پاڪستان جي سلامتي، استحڪام ۽ ترقي جي ضامن آهي، جيڪڏهن اڄ اسان جي بهادر فوج نه هجي ها ته اسان جي حالت عراق، لبنان ۽ شام کان به بدتر هجي ها. سنڌ جي گورنر ڪامران خان ٽيسوري برطانوي شهر بريڊ فورڊ ۾ هڪ وڏي اجتماع کي خطاب ڪيو. هن پاڪستان آرمي چيف جنرل حافظ عاصم منير جي قيادت جي تعريف ڪئي ۽ چيو ته اسان جا فوجي اڳواڻ نه رڳو ملڪ جي سرحدن جي حفاظت ڪري رهيا آهن پر معيشت کي مستحڪم ڪرڻ ۽ سيڙپڪاري کي فروغ ڏيڻ ۾ حڪومت جي مڪمل مدد ڪري رهيا آهن.سنڌ جي گورنر چيو ته اسپيشل انويسٽمينٽ فيسليٽيشن ڪائونسل (ايس آءِ ايف سي) جو قيام پاڪستان ۾ سيڙپڪاري ۽ معاشي ترقي لاءِ هڪ اهم قدم آهي، جيڪو ملڪ جي معيشت کي مضبوط بنيادن تي استوار ڪندو.
