اسلام آباد(رپورٽ اياز مهر)سن 2026ع جي بين الاقوامي گڏيل قومن جي امن فوجين واري ڏينهن جي مناسبت سان پاڪستان جمعي ڏينهن گڏيل قومن جي امن مشنن لاءِ پنهنجي حمايت جو اظهار ورجايو ۽ امن ۾ نئين “سرمايه ڪاري” جو عزم ڪيو۔
صدر آصف علي زرداري پنهنجي بيان ۾ چيو ته پاڪستان انهن قديم ترين گڏيل قومن جي امن مشنن مان هڪ جو ميزبان رهيو آهي، يعني گڏيل قومن جو فوجي مبصر گروپ براءِ هندستان ۽ پاڪستان۔
هن وڌيڪ چيو: “هن مشن جي مسلسل موجودگي ۽ اهميت اهو ذميوار بڻائي ٿي ته عالمي برادري جمون ۽ ڪشمير جي تڪرار جو منصفاڻو ۽ پائيدار حل ڳولڻ ۾ مدد ڪري۔”
زرداري چيو ته گڏيل قومن جي امن فوجين جو ڪم انهن برادرين کي استحڪام ۽ اميد ڏئي ٿو جيڪي تڪرار ۽ بي دخليءَ سبب متاثر ٿين ٿيون۔
وزيراعظم شهباز شريف پنهنجي بيان ۾ چيو ته هن سال جو موضوع “امن ۾ سيڙپڪاري” دنيا ڀر ۾ امن لاءِ “مسلسل سياسي عزم ۽ مالي مدد” جي اهميت کي اجاگر ڪري ٿو۔
هن چيو ته 1948ع ۾ اڄ جي ڏينهن گڏيل قومن جو پهريون امن مشن فلسطين ۾ شروع ٿيو هو۔
وزيراعظم موجب 1960 کان وٺي هينئر تائين 2 لک 35 هزار کان وڌيڪ پاڪستاني گڏيل قومن جي امن مشنن ۾ خدمتون انجام ڏئي چڪا آهن، جن ۾ 500 کان وڌيڪ عورت امن فوجي پڻ شامل آهن۔
هن چيو: “اهو پاڪستان لاءِ وڏي قومي فخر جي ڳالهه آهي ته اڄ پاڪستان گڏيل قومن جي امن آپريشنز ۾ پنجون وڏو حصو وٺندڙ ملڪ آهي۔”
شهباز شريف انهن 180 کان وڌيڪ پاڪستاني امن فوجين کي به خراجِ عقيدت پيش ڪيو، جن ڊيوٽي دوران پنهنجي جان جو نذرانو ڏنو۔
امن مشنن لاءِ پاڪستان جي حمايت ٻيهر ورجائيندي هن لکيو: “اسان جو مسلسل حصو پاڪستان جي عالمي امن ۽ سلامتي سان گڏوگڏ گهڻ طرفي تعاون جي اصولن سان پائيدار وابستگي جو عڪس آهي۔”
“موجوده جنگي علائقا تبديل ٿي چڪا آهن”: آءِ ايس پي آر
پڻ گڏيل قومن جي نيري ٽوپي وارن امن فوجين جي “بي مثال خدمتن ۽ حتمي قربانين” کي خراجِ تحسين پيش ڪيو۔
آءِ ايس پي آر چيو ته پاڪستان جي حڪومت ۽ هٿياربند فوج گڏيل قومن جي امن آپريشنز جي مقصدن سان پنهنجي غير متزلزل وابستگي ٻيهر ظاهر ڪن ٿيون، ۽ ان لاءِ انساني وسيلن، جديد تربيت جي سهولتن ۽ ادارتي صلاحيتن کي مضبوط ڪرڻ ذريعي “امن ۾ سيڙپڪاري” جاري آهي۔
آءِ ايس پي آر موجب 1960 کان وٺي 2 لک 37 هزار کان وڌيڪ پاڪستاني امن فوجي گڏيل قومن جي مشنن ۾ خدمتون انجام ڏئي چڪا آهن، جن مان 183 پنهنجي جان وڃائي ويٺا آهن۔
هن وقت پاڪستاني امن فوجيڪانگو، ڇکڻ سودان، سينٽرل آفريڪن ريپبلڪ ۾ مقرر آهن.
آءِ ايس پي آر وڌيڪ چيو ته اڄ جي غير مستحڪم، پيچيده ۽ غير روايتي جنگي حالتن ۾ هائبرڊ خطرا به شامل آهن، جهڙوڪ سائبر سيڪيورٽي جا خطرا، ڊجيٽل غلط معلومات جون مهمون، سياسي ورهاست ۽ موسمي تبديلي سبب انساني بحران۔
آءِ ايس پي آر موجب “امن ۾ سيڙپڪاري” جو موضوع هڪ اهم تبديلي کي ظاهر ڪري ٿو، جيڪو ردِعمل واري تڪراري انتظام کان اڳواٽ امن جي تحفظ ڏانهن منتقلي تي زور ڏئي ٿو۔
