اسلام آباد(بيورو رپورٽ) نئين سولر پاليسي ۾ بجلي جي واپسي جي شرح مقرر ڪئي وئي آهي، جيڪا جلد وزيراعظم کي پيش ڪئي ويندي.نئين سولر پاليسي تحت، سولر پينلز تي نيٽ ميٽرنگ ختم ڪئي ويندي ۽ گراس ميٽرنگ لاڳو ڪئي ويندي، نيٽ ميٽرنگ جي قيمت 103 ارب رپيا هوندي.بجلي جي واپسي جي شرح 11.33 رپيا في يونٽ مقرر ڪئي وئي آهي، جڏهن ته، پراڻا سولر صارف 27 رپين تي بجلي وڪرو ڪندا رهندا. مستقبل ۾ بجلي جي شرح ڪجهه به هجي، واپسي جي شرح ان جو ٽيون حصو هوندي.پاور ڊويزن موجب، هدف 8500 ميگاواٽ بجلي سسٽم ۾ آڻڻ آهي، نئين پاليسي نيپرا جي منظوري کان پوءِ ڪابينا ۾ پيش ڪئي ويندي.
