اسلام آباد(ويب ڊيسڪ)چيف جسٽس آف پاڪستان عمر عطا بنديال چيو آهي ته نيب ترميمي ڪيس جو فيصلو نه ڏئي سگهي ته اها منهنجي لاءِ شرم جوڳي ڳالهه هوندي. چيف جسٽس پاڪستان جي سربراهي ۾ نيب ترميمن خلاف پي ٽي آءِ چيئرمين جي درخواست تي 47هين ٻڌڻي ٿي.ٻڌڻي دوران جسٽس منصور علي شاهه درخواستگذار جي وڪيل مخدوم علي خان کان پڇاڻو ڪيو ته ڇا هي بينچ نيب ترميمي ڪيس جي ٻڌڻي پريڪٽس اينڊ پروسيجر ايڪٽ تحت جاري رکي سگهي ٿي. جڏهن ته چيف جسٽس مخدوم علي خان کي ايندڙ ٻڌڻي تي ان حوالي سان تياري ڪرڻ جي هدايت ڪئي.وڪيل مخدوم علي خان چيو ته مان جسٽس منصور علي شاهه جي نقطي سان متفق آهيان، تياري کانپوءِ ان نقطي تي عدالت جو ساٿ ڏيندس، عدالت نيب ترميم جي ٻڌڻي جي حد تائين ٻڌڻي جاري رکي سگهي ٿي.چيف جسٽس چيو ته ڇا هي منفرد ۽ خاص ڪيس آهي جنهن کي قانون کي نظر انداز ڪري ٻڌو وڃي؟ جڏهن ته جسٽس اعجاز الاحسن رمارڪس ڏيندي چيو ته جيڪڏهن اهي واضح سمجهن ته هي ڪيس آرٽيڪل 184/3 تحت ٻڌي سگهجي ٿو ته پوءِ ٻڌڻي هلندي، جڏهن ته جسٽس منصور علي شاهه چيو ته مدد ڪريو هي بينچ ڪيس ڪيئن ٻڌي سگهي ٿي.جسٽس منصور علي شاهه چيو ته جيڪڏهن عدالت نيب ترميمي ڪيس جي ٻڌڻي مڪمل ڪري ڇڏي ته اها بينچ ٿي سگهي ٿي، ٻي صورت ۾ قانوني طور تي هي بينچ ڪيس جي ٻڌڻي نه ٿي ڪري سگهي.جسٽس عمر عطا بنديال رمارڪس ڏيندي چيو ته اختلاف راءِ باوجود عدالتي فيصلو ججن جي اڪثريت ڪندي آهي. هن وقت تائين 27 ٻڌڻين ۾ درخواستگذارن ۽ 19 مخدوم علي خان دليل ڏنا.اهو ايترو ڊگهو ڪيس نه هو، مخدوم علي خان ڪيس جي ناقابل سماعت هجڻ لاءِ سٺا دليل ڏنا آهن.چيف جسٽس آف پاڪستان مخدوم علي خان سان مخاطب ٿيندي پڇاڻو ڪيو ته اوهان ٻڌڻي کان ڇو بچڻ چاهيو ٿا؟ جنهن تي وڪيل مخدوم علي خان چيو ته ڪيس کي ٽاريو نه پيو وڃي، وڪيل جي حيثيت سان عدالت جي مدد ڪرڻ منهنجو فرض آهي.جسٽس منصور علي شاهه چيو ته ڪيس جون 47 ٻڌڻيون ٿي چڪيون آهن، پهرين ٻڌڻي ۾ بنيادي حقن بابت به سوال اٿاريا ويا هئا.اهو نه ٻڌايو ويو ته نيب ترميم سان ڪهڙا بنيادي حق متاثر ٿيا، بنيادي حقن جي سوال تي درخواستگذار جو وڪيل اطمينان بخش جواب نه ڏئي سگهيو.وڪيل مخدوم علي خان چيو ته هن عدالت کي ٻڌايو ته حڪومت نيب قانون ۾ ڪيتريون ئي ترميمون ڪيون آهن.عدالت جي بهترين سهڪار بابت سندس ڄاڻ ۾ چيو ويو آهي ته خواجه حارث گذريل 3 مهينن کان پي ٽي آءِ چيئرمين جا اڪثر ڪيس هلائي رهيو آهي.چيف جسٽس آف پاڪستان درخواستگذار جي وڪيل سان ڳالهه ٻولهه ڪندي چيو ته اسان اها ڳالهه سمجهون ٿا پر مان نه ٿو سمجهان ته 2023ع ۾ ڪيل ترميمن تي نظرثاني ڪري سگهون.نيب ترميمون 2022ع کي عدالت ۾ چئلينج ڪيو ويو، نيب نئين ترميم ۽ پنهنجا لکت ۾ جواب جمع ڪرايا.جسٽس عمر عطا بنديال رمارڪس ڏنا ته هو ڪيس کي نمٽائڻ چاهين ٿا، بينچ جي هڪ ميمبر جي رٽائرمينٽ ويجهو آهي، اهو انتهائي اهم ڪيس آهي. مون کي هر صورت ۾ فيصلو ڪرڻو آهي.جيڪڏهن مان فيصلو نه ڏئي سگهيس ته اها منهنجي لاءِ شرم جي ڳالهه هوندي.سپريم ڪورٽ نيب ترميمي ڪيس جي ٻڌڻي 28 آگسٽ تائين ملتوي ڪندي چيو آهي ته 28 آگسٽ کان روزاني بنياد تي ڪيس جي ٻڌڻي ٿيندي.چيف جسٽس آف پاڪستان چيو ته ضروري ناهي ته نيب ترميمن جي ميرٽ تي فيصلو ڪري. ڪيس ٻڌڻو جوڳو هجڻ ضروري آهي.
