نوابشاهه: (ن س) مبينا پوليس مقابلي ۾ هڪ ڌاڙيل مارجي ويو جڏهن ته سندس 3 ساٿي اونداهي جو فائدو وٺندي فرار ٿي ويا پوليس موجب هي واقعو نوابشاهه جي بي سيڪشن ٿاڻي جي حدن ۾ پيش آيو، مارجي ويل ڌاڙيل جي سڃاڻپ اعجاز چانڊيو جي نالي سان ٿي آهي. پوليس اختيارين موجب مارجي ويل ڌاڙيل پوليس هيڊ ڪانسٽيبل اي ڊي سولنگي جي قتل ڪيس ۾ پوليس کي گهربل هو، جنهن تي 15 کان وڌيڪ سنگين نوعيت جا ڪيس داخل آهن.پوليس مارجي ويل ڌاڙيل جي ساٿين جي ڳولا ۾ سرچ آپريشن شروع ڪري ڏنو آهي.
