لنڊن (ويب ڊيسڪ)اڳوڻي ناڻي واري وزير ۽ مسلم ليگ ن جي سينيئر اڳواڻ اسحاق ڊار چيو آهي ته پاڪستان تحريڪ انصاف تي پابندي لڳڻ شروع ٿي وئي آهي. لنڊن ۾ ميڊيا سان ڳالهائيندي اسحاق ڊار چيو ته هن وقت تائين 3 ماڻهن کي تاحيات نااهل قرار ڏنو ويو آهي، چوٿون عمران خان ٿي سگهي ٿو. هن چيو ته عمران خان جو مس ڊيڪليئريشن کيس نااهل ڪري ٿو، پي ٽي آءِ ڇڏڻ وارن جو فيصلو موجوده صورتحال ۾ مناسب هوندو.هن چيو ته پي ٽي آءِ گڏ ڪيل فنڊن مان وڏي رقم غير قانوني آهي، قانون موجب توهان پرڏيهي ڪمپني ۽ شخص کان پئسا نٿا وٺي سگهو. اسحاق ڊار اهو به چيو ته جيڪڏهن تحريڪ انصاف جا ميمبر پارٽي رڪنيت تان استعيفيٰ ڏين ته پابندي نه لڳائي ويندي، تحريڪ انصاف تي پابندي لڳائي ويندي ۽ عمران خان کي نااهل ڪيو ويندو. هن چيو ته پي ڊي ايم عمران خان خلاف توشه خاني جو ريفرنس به جمع ڪرايو آهي، تاحيات نااهلي آئين ۾ ناهي، اسان جون پارٽيون ان تي غور ڪري رهيون آهن. ٻئي طرف سينيٽر عرفان صديقي چيو آهي ته عدليه ضرورت جي نظريي کانپوءِ سهولت جو نظريو اختيار ڪري ورتو آهي، عمران خان ۾ نه ايمانداري جو عنصر آهي ۽ نه ئي اعتماد جو عنصر، جيڪڏهن عدليه هڪ غلطي کي درست ڪري رهي آهي ته اها آهي. سڀني غلطين کي درست ڪرڻ گهرجي..
