راولپنڊي: (ويب ڊيسڪ) دهشتگردي جي خاتمي واري عدالت 26 نومبر جي احتجاج ڪيس ۾ پي ٽي آءِ جي باني جي ڀيڻ عليما خان جا 10 هين ڀيرو غير ضمانتي گرفتاري وارنٽ جاري ڪيا آهن. دهشتگردي جي خاتمي واري عدالت جي جج امجد علي شاهه ڪيس جي ٻڌڻي ڪئي. عليما خان اڄ پيش نه ٿي، جڏهن ته جوابدار پيش ٿيڻ کان پوءِ هليا ويا. ڪيس جا ٻيا 10 جوابدار عدالت ۾ پيش ٿيا.بچاءُ واري وڪيل فيصل ملڪ چيو ته عليما خان اڄ به پيش نه ٿيندي. اسان ڪيس جي دهشتگردي جي سيڪشن کي چئلينج ڪيو آهي. اهو دهشتگردي جي سيڪشن جو ڪيس نه ٿو بڻجي عدالت عليما خان کي 17 نومبر تي گرفتار ڪري پيش ڪرڻ جو حڪم ڏنو ۽ ٻڌڻي ملتوي ڪري ڇڏي.
