اسلام آباد (ويب ڊيسڪ)صدر عارف علوي ۽ وزيراعظم شهباز شريف عيد الفطر جي موقعي تي قوم کي مبارڪباد جو پيغام پيش ڪيو.عيد الفطر جي موقعي تي قوم جي نالي پنهنجي پيغام ۾ صدر عارف علوي چيو ته ملڪ کي درپيش موجوده صورتحال مان نڪرڻ لاءِ معافي گهرڻ جي ضرورت آهي، اڄ اسان عوام کي معاف ڪرڻ لاءِ تيار ناهيون.هن چيو ته قوم کي اپيل آهي ته اهي گروهي، مذهبي ۽ سياسي اختلافن کي نفرتن جو باعث نه بڻجڻ ڏين.عيد الفطر جي موقعي تي پنهنجي پيغام ۾ وزيراعظم شهباز شريف چيو ته اتحادي حڪومت عوام جي معاشي مسئلن جو بار گهٽائڻ لاءِ مسلسل ڪوششون ڪري رهي آهي، الله تعالٰي اسان کي انهن آزمائشن مان ڇوٽڪارو ڏي.هن چيو ته پاڪستان جي بهتري لاءِ سڀني کي تعميري سوچ، مستقل مزاجي ۽ مسلسل محنت سان وڃايل منزل تي پهچڻو آهي.
