لنڊن: (م ڊ) پاڪستان مسلم ليگ ن جي اڳواڻ ميان نواز شريف ميڊيا سان ڳالهائيندي چيو آهي ته هن پاڪستان جي سياست ۾ عمران خان کان وڏو فراڊ ۽ دهشتگرد نه ڏٺو آهي. هن چيو ته پوليس تي پيٽرول بم ڇو اڇلايا ويا، جنهن اهو سڀ ڪجهه سيکاريو، پوليس وارا نه ڀڄن ها ته ڇا ٿئي ها، اهو سڀ ڪجهه ناقابل برداشت آهي، حڪومت جي آءِ ٽي ٺاهي آهي جيڪا سمورن ڪيسن جي جاچ ڪندي، اهڙن ماڻهن جي جاچ ٿيندي. خلاف سخت ڪارروائي ڪئي وڃي.هن چيو ته هو دهشتگرد به هو پر ان جي ڪنهن کي به خبر نه هئي، دنيا ڄاڻي ٿي ته هي هيرا ڦيري ۽ فريب اڳ به هو، هاڻي سامهون اچي ويو آهي، سياست ۾ ڏٺو ويو آهي، ٻين کان نمبر وٺي اڳتي هلي رهيو آهي. پيٽرول بم اڇلائڻ واري واقعي تي نواز شريف چيو ته هي پهريون ڀيرو آهي جو ڪنهن سياسي پارٽي طرفان اهڙو قدم کنيو ويو آهي، اهو ناقابل برداشت آهي، اهڙن ماڻهن خلاف سخت ڪارروائي ٿيڻ گهرجي.
