ڪراچي (اسٽاف رپورٽر)دعا زهرا جي والد سنڌ هاءِ ڪورٽ جي فيصلي خلاف سپريم ڪورٽ ۾ اپيل داخل ڪئي. درخواست ۾ دعا زهرا جي والد مهدي ڪاظمي موقف اختيار ڪيو ته سنڌ هاءِ ڪورٽ 8 جون 2022 تي دعا زهرا کي پاڻمرادو فيصلو ڪرڻ جو حڪم ڏنو، اهو فيصلو دعا زهرا جي بيان ۽ ميڊيڪل ٽيسٽ جي بنياد تي ٻڌايو ويو.درخواست ۾ چيو ويو آهي ته ميڊيڪل رپورٽ ۾ چيو ويو آهي ته دعا زهرا جي عمر 17 سال آهي جڏهن ته نادرا جي رڪارڊ ۽ تعليمي سند موجب دعا زهرا جي عمر 14 سال آهي.دعا جي والد مهدي ڪاظمي چيو ته سنڌ هاءِ ڪورٽ جي فيصلي ۾ غلطي آهي، درخواست تي فوري ٻڌڻي ٿيڻ گهرجي.
