واشنگٽن (ويب ڊيسڪ)آمريڪي صدر ڊونلڊ ٽرمپ چيو آهي ته پاڪ-ڀارت جنگ دوران، مون ڪجهه اخبارن ۾ ٻڌو ته 7 يا 8 جهاز ڪيرايا ويا.ميامي ۾ هڪ ڪاروباري فورم کي خطاب ڪندي آمريڪي صدر چيو ته هڪ اخبار لکيو ته 7 جهاز ڪيرايا ويا، هڪ کي نقصان پهتو، مان ڪنهن به اخبار جو نالو نه وٺندس، انهن مان گهڻا غلط خبرون ڏين ٿا.آمريڪي صدر چيو ته حقيقت ۾ پاڪ-ڀارت جنگ دوران 8 جهاز ڪيرايا ويا، ٻن ايٽمي ملڪن جي وچ ۾ جنگ کي ٽيرف جي مدد سان روڪيو ويو.هن وڌيڪ چيو ته ڏسون ته زهران ممداني نيويارڪ ۾ ڪيئن ڪندو آهي، اسان هن جي ٿوري مدد ڪنداسين.هن چيو ته نيويارڪ جي ماڻهن کاٻي ڌر جي زهران ممداني کي ميئر چونڊي آمريڪا جي ‘خودمختاري’ وڃائي ڇڏي آهي.آمريڪي صدر چيو ته هڪ ڪميونسٽ آمريڪا جي سڀ کان وڏي شهر جو ميئر بڻجي ويو آهي، اچو ته ڏسون ته هو ڪيئن ڪارروائي ڪري ٿو، اسان چاهيون ٿا ته نيويارڪ ڪامياب ٿئي.
