غوثپور (عبدالنبي ملڪ)شھر جي مسجد محلي ۾ اينٽي انڪروچمينٽ عملدارن ۽ ٽائون ڪاميٽي جي عملي طرفان غوثپور مائنر جي آسپاس ۾ رھندڙ شھرين کي گھر خالي ڪري ڏيڻ جي چتاء کانپو۽ اڄ متاثرن سياسي ڌرين ۽ سول سوسائٽي پنھنجي گھرن ٻاھران ڪئمپ ھڻي سخت احتجاج ڪيو۔ ان موقعي تي احتجاج جي اڳواڻن برڪت ملڪ۔ حبيب الله ملڪ۔ حبيب الله اوڳاھي۔ جي يو آ۽ اڳواڻ ثناءالله اوڳاھي۔ ايس ٽي پي اڳواڻ شيرزمان بجاراڻي ۽ ٻين ميڊيا آڏو دانھيندي چيو ته گذريل ڪجھ عرصي کان آبپاشي عملي ۽ ٽائون انتظاميه اسانجو جيئڻ جنجال بڻائي ڇڏيو آھي۔ ھر ھفتي ڪڏھين زباني ۽ ڪڏھين نوٽيسن ذريعي اسان کي ڌمڪيون ملن ٿيون ته گھر خالي ڪري ھليا وڃو۔ آخر اسان وڃون ته ڪيڏانھن وڃون ؟ ڇو ناحق اسان غريبن ۽ مسڪينن جي اجھن کي ڊاھڻ جون ڌمڪيون ملن ٿيون۔ متاثرن جي سخت احتجاج کانپو۽ انڪروچمينٽ جو عملو واپس ھليو ويو۔ ٻئي پاسي شھر جي سياسي سماجي ڌرين ڊي سي ڪشمور ۽ علائقي جي چونڊيل ميمبرن کان مطالبو ڪيو آھي ته گھرن ڊاھڻ وارو عمل بند ڪيو وڃي يا متاثرن کي متبادل جڳھ فراھم ڪري کين دربدر ٿيڻ کان بچايو وڃي۔
