اسلام آباد(بيورو رپورٽ)ملڪ جي صدر ڊاڪٽر عارف علوي چيو آهي ته جڏهن پي ٽي آءِ حڪومت هٽائي وئي ته عمران خان مايوس ٿي ويو، عمران خان جو اسيمبلي ۾ نه وڃڻ جو فيصلو ذاتي هو.خانگي ٽي وي کي ڏنل انٽرويو ۾ صدر مملڪتي وزير چيو ته منهنجي ڪوشش آهي ته سمورا ماڻهو گڏجي ويهي ڳالهيون ڪن ۽ منهنجي ڪوشش جي ڪاميابي خاموش رهڻ ۾ آهي. هن چيو ته ميز تي ٻه مسئلا آهن، معيشت ۽ ٻيو اليڪشن، مان بروکر ناهيان پر عوام کي ويهڻ ۽ ڳالهائڻ چاهيان ٿو، ڪوشش ڪريان ٿو ته معيشت تي مفاهمت هجي، عمران خان چورن سان نه ويهڻ لاءِ چوري جي ڳالهه ڪري. هن وڌيڪ چيو ته جڏهن پي ٽي آءِ حڪومت هٽائي وئي ته عمران خان مايوس ٿي ويو، عمران خان جو اسيمبلي ۾ نه وڃڻ جو فيصلو ذاتي هو.فوج جي حوالي سان صدر چيو ته فوج جو ڪردار آئين ۾ واضح آهي، هو غير جانبدار لفظ تي ڳالهائڻ نٿا چاهين، فوج کي غيرجانبدار هجڻ گهرجي، جڏهن ته عمران خان پنهنجي ڳالهه جو پاڻ ئي جواب ڏيندو.هن چيو ته ليڪس جي بازار گرم آهي، پرائيويسي جو دور ختم ٿي ويو آهي.آرمي چيف جي مقرري جي حوالي سان عارف علوي چيو ته آرمي چيف جي مقرري آئيني طريقي موجب ٿيندي، بهتر آهي ته نئين آرمي چيف جو نالو مشاورت کانپوءِ سامهون اچي.هن چيو ته ماضي ۾ به آرمي چيف جي مقرري تي اپوزيشن سان مشاورت ٿيندي رهي آهي، ڇا آئين ۾ لکيل آهي ته مشاورت رڳو حڪومت ڪندي؟ آرمي چيف جي مدي ۾ واڌ واري معاملي تي به صلاح مشورا ڪيا ويا. سائفر جي حوالي سان صدر چيو ته کيس يقين ناهي ته ڪا سازش ٿي آهي، مون کي شڪ آهي، ان جي جاچ ٿيڻ گهرجي، هن چيف جسٽس کي خط موڪلي ڇڏيو آهي، ان معاملي جي جاچ ٿيڻ گهرجي.
