اسلام آباد(بيورو رپورٽ) چيف جسٽس آف پاڪستان يحيٰ آفريدي جي سربراهي ۾ جڊيشل ڪميشن جي اجلاس کان اڳ جسٽس منصور علي شاهه هڪ ٻيو خط لکيو.جسٽس منصور علي شاهه جڊيشل ڪميشن جي سيڪريٽري کي خط لکيو آهي، جنهن ۾ چيو ويو آهي ته آئيني بئنچ لاءِ ججن جي مقرري لاءِ ضابطا اخلاق هجڻ گهرجن.خط ۾ چيو ويو آهي ته آئيني بينچ ۾ ججن جي تعداد جو به ميڪنزم ٺاهڻ ضروري آهي، آئيني بينچ ۾ ججن جي شموليت جو اندازو لڳايو وڃي.جسٽس منصور علي شاهه جي خط ۾ چيو ويو آهي ته ڪهڙي جج آئيني تشريح سان ڪيترا فيصلا لکيا.اهو اندازو ٿي سگهي ٿو، ڪميشن ڪا به ماپ مقرر ڪرڻ کانسواءِ سپريم ڪورٽ ۽ سنڌ هاءِ ڪورٽ ۾ آئيني بئنچ جوڙي ڇڏي آهي.
