سکر (رپورٽر)پنجاب جي ضلعي مظفر ڳڙهه ۾ سنڌو درياهه تي تونسه بئراج وٽان ايندڙ تيز رفتار ريل سکر بئراج ۾ داخل ٿي وئي.انچارج ڪنٽرول روم جو چوڻ آهي ته سکر بئراج ۾ 24 ڪلاڪن دوران 15 هزار ڪيوسڪ پاڻي گهٽجي ويو آهي، 24 ڪلاڪن ۾ پاڻي جي سطح ۾ وڌيڪ گهٽتائي ايندي.هن چيو ته سکر بئراج وٽ پاڻي جي آمد 5 لک 44 هزار 650 ڪيوسڪ جڏهن ته پاڻي جو نڪرڻ 5 لک 44 هزار 650 ڪيوسڪ رڪارڊ ڪيو ويو آهي.انچارج ڪنٽرول روم جو اهو به چوڻ آهي ته ٻوڏ واري صورتحال سبب سمورا واهه بند آهن.ٻئي طرف منڇر ڍنڍ جي صورتحال خراب ٿي وئي، جنهن بعد علائقي واسين کي ڍنڍ ڏانهن نه وڃڻ ۽ ڀرپاسي وارا علائقا خالي ڪرڻ جي هدايت ڪئي وئي آهي.ڊپٽي ڪمشنر جو چوڻ آهي ته منڇر ڍنڍ تي خطرناڪ صورتحال پيدا ٿي وئي آهي، ماڻهو غير ضروري طور منڇر ڍنڍ جي ڊيم تي نه وڃن.هن چيو ته منڇر ڍنڍ آر ڊي 14 تي باغ يوسف وٽ ڪٽجي وئي آهي.هن چيو ته منڇر ڍنڍ ڊيم تي آر ڊي 54 کان آر ڊي 58 تائين پريشر آهي، ايندڙ 24 کان 48 ڪلاڪ نازڪ آهن.
