ڪراچي (اسٽاف رپورٽر)اينٽي نارڪوٽڪس فورس (اي اين ايف) ملڪ جي تعليمي ادارن ۽ مختلف شهرن ۾ منشيات فروشن خلاف 10 ڪارروايون ڪري 9 جوابدارن کي گرفتار ڪري سندن قبضي مان 1231 ڪلوگرام منشيات هٿ ڪري ورتي. هٿ آيل منشيات جي قيمت 22 ڪروڙ رپيا ٻڌائي وئي آهي.اي اين ايف ترجمان موجب ڪراچي جي علائقي ڪورنگي روڊ تي موٽرسائيڪل سوار وٽان 250 گرام هيروئن هٿ ڪئي وئي. گرفتار جوابدار ڪراچي جي تعليمي ادارن جي شاگردن کي منشيات وڪرو ڪرڻ جو اعتراف ڪيو آهي.
