لنڊن(ويب ڊيسڪ) ايم ڪيو ايم جي باني الطاف حسين جي اتر لنڊن ۾ واقع گهر تي ٻن نامعلوم نقاب پوشن حملو ڪري ٽوڙ ڦوڙ ڪئي ۽ فرار ٿي ويا.
ايڪس تي جاري ڪيل ويڊيو ۾ الطاف حسين پنهنجي همدردن کي حملي جو تفصيل ٻڌائي رهيو آهي ته نقاب پوش سندس گهر جو لوهو گيٽ ٽپي آيا. هن ٻڌايو ته گهي ۾ داخلا واري مک دروازي جي پاسي ۾ شيشو ڀڃڻ جي ڪوشش ڪئي وئي.
ويڊيو ۾ دروازي جي اڳيان ڀڳل گلدان به نظر اچي رهيا آهن. ايم ڪيو ايم لنڊن پوليس کان جاچ ڪري نقاب پوش ٻنهي حملي آورن کي گرفتار ڪرڻ جو مطالبو ڪيو آهي.
