ممبئي(ويب ڊيسڪ)بالي ووڊ اداڪار عمران هاشمي به انهن ماڻهن جي لسٽ ۾ شامل ٿي ويو آهي جيڪي اداڪاره حميما ملڪ کي فلم ”دي ليجنڊ آف مولا جٽ“ ۾ ڏسڻ جا منتظر آهن. ماهره خان ۽ حمائمه ملڪ تازو ئي جيو فلمز جي بينر هيٺ 13 آڪٽوبر تي رليز ٿيندڙ فلم ”دي ليجنڊ آف مولا جٽ“ ۾ پنهنجي ڪردارن جا پوسٽر جاري ڪيا، جنهن کي پاڙيسري ملڪ ڀارت سميت پاڪستان ۾ به تمام گهڻو پسند ڪيو ويو.حميما ملڪ جڏهن فلم ”دڙي“ ۾ پنهنجي ڪردار جو پوسٽر شيئر ڪيو ته بالي ووڊ جو هيرو عمران هاشمي به پنهنجي اڳوڻي هيروئن جي تعريف ڪرڻ کان نه رهي سگهيو.اداڪارا طرفان شيئر ڪيل پوسٽر تي عمران هاشمي لکيو ته حميما تنهنجي نظر تمام سٺي آهي، فلم ۾ تنهنجي شاندار پرفارمنس ڏسڻ جو منتظر آهيان.ان سان گڏ بالي ووڊ اداڪار حميما لاءِ نيڪ خواهشن جو اظهار پڻ ڪيو.ان کان اڳ ماهرا خان پنهنجي ڪردار ”مکو“ جو پوسٽر جاري ڪيو هو، جنهن تي بالي ووڊ سپر اسٽار هريتڪ روشن تبصرو ڪندي کيس پسند جو اظهار ڪيو هو.
