اسلام آباد(بيورو)گڏيل قومن جي هاءِ ڪمشنر فار ريفيوجيز (يو اين ايڇ سي آر) ۽ هالي ووڊ اداڪارا انجلينا جولي ڪالهه نيشنل فلڊ ريسپانس ڪوآرڊينيشن سينٽر جو دورو ڪيو.انجلينا جولي هن وقت پاڪستان ۾ ٻوڏ متاثرن جي مدد لاءِ موجود آهي.نيشنل فلڊ ريسپانس ڪوآرڊينيشن سينٽر جي دوري دوران ڳالهائيندي اينجلينا جولي چيو ته جيڪي زندگيون بچايون ويون، انهن سان ڳالهايو پر اهي اڃا تائين محفوظ نه آهن، دنيا کي ان تباهي جي ڪا به خبر ناهي.هن چيو ته جيڪڏهن ايندڙ هفتن ۾ مڪمل مدد نه پهتي ته متاثرن جو به جاني نه بچندو، اهڙن ماڻهن ۾ بي شمار ٻارڙا به آهن جيڪي زندگي ۽ موت جي جنگ ۾ آهن.انجلينا جولي چيو ته مون پنهنجي زندگي ۾ اهڙي آفت ڪٿي به ناهي ڏٺي، متاثرن کي خوراڪ، پناهه، طبي سهولتن جي سخت ضرورت آهي، ان کان اڳ جڏهن به آئي آهيان ته پاڪستاني عوام کي افغان عوام جي مهمان نوازي ڪندي ڏٺو آهي.هن عالمي برادري کي پاڪستاني ٻوڏ متاثرن لاءِ وڌيڪ ڪجهه ڪرڻ جو مطالبو ڪندي چيو ته اڄ پاڪستاني پاڻ وڏي قدرتي آفت جو شڪار آهن، دنيا کي پاڪستان جي صورتحال تي جاڳائڻ گهرجي.اينجلينا جولي وڌيڪ چيو ته هي ڪيترن ئي ماڻهن جي زندگي ۽ موت جو معاملو آهي، موسمياتي تبديليءَ جا ذميدار ملڪ ٻين جي ڀيٽ ۾ وڌيڪ تباهي ۽ موت کي منهن ڏئي رهيا آهن، ڏک جي هن گهڙي ۾ منهنجي دل عوام سان گڏ آهي.هن چيو ته هن پاڪستاني فوج کي هر هنڌ ماڻهن جي مدد ڪندي ۽ زندگيون بچائيندي ڏٺو آهي.
