ايمسٽرڊيم(ويب ڊيسڪ) اڄڪلهه اليڪٽرڪ گاڏين تي تمام گهڻو ڪم ٿي رهيو آهي، پر هاڻي اهڙيون گاڏيون به تيار ڪيون ويون آهن، جيڪي شمسي توانائي تي هلي سگهن ٿيون. هڪ ڊچ ڪمپني پڻ 2022 جي وچ تائين شمسي توانائي سان هلندڙ گاڏي لانچ ڪرڻ جو هدف مقرر ڪيو آهي. لائيٽ ايئر 1 نالي هي برقي گاڏي ڊچ ڪمپني لائيٽ ايئر ٺاهي رهي آهي. تازن تجربن ۾، ڪار 81 ميل في ڪلاڪ جي رفتار سان واحد چارج تي 248 ميل سفر ڪرڻ جي قابل ٿي وئي آهي. هن ڪار ۾ 60 ڪلوواٽ بيٽري جي هڪ واحد چارج تي هن ڪار ايترو سفر ڪيو. اڳئين تجربن جي برعڪس، اهي نوان تجربا تيز رفتار ۽ سرد ماحول ۾ ڪيا ويا ته جيئن ٽيڪنالاجي جي اثرائتي جانچ ڪئي وڃي. ڪمپني موجب، ٻئي عنصر ڪار جي ڪارڪردگي کي متاثر ڪن ٿا، تنهنڪري اسان اهو ڏسڻ چاهيون ٿا ته ڪار مختلف حقيقي دنيا جي حالتن ۾ ڪيئن ڪم ڪري ٿي. ان مقصد لاءِ ان کي اٽلي جي هڪ شهر اپريلا ۾ هڪ ٽريڪ تي آزمايو ويو ۽ ان ٽريڪ تي لائيٽ ايئر ون جي توانائي واپرائڻ جي شرح 141 Wh/km رڪارڊ ڪئي وئي. ڪمپني جو چوڻ آهي ته ان جو مطلب آهي ته ڪار هڪ ئي چارج تي 400 ڪلوميٽر کان وڌيڪ فاصلو طئه ڪري سگهي ٿي، مثال طور اها ايمسٽرڊيم کان لگزمبرگ تائين هڪ ئي چارج تي سفر ڪري سگهي ٿي. بيان ۾ چيو ويو آهي ته هي فاصلو مارڪيٽ ۾ هڪجهڙي بيٽري سائيز جي ٻين گاڏين جي ڀيٽ ۾ ڏيڍوڻ دفعا وڌيڪ آهي. پوئين تجربن ۾، ڪار هڪ واحد چارج تي 440 ميل طئي ڪيا هئا. يورپي ملڪن ۾ ڪمپني ڪار جي بڪنگ شروع ڪري ڇڏي آهي ۽ ان جي بڪنگ قيمت 171,000 ڊالر مقرر ڪئي وئي آهي. ڪمپني موجب اها ڪار 2022 جي اونهاري تائين صارفين لاءِ دستياب هوندي.
