44 ميگا پڪسل وارو اوپو جو مشهور فون پاڪستان پهچي ويو

ڪراچي (ويب ڊيسڪ)اوپو جي وچولي قيمت واري سمارٽ فونن جي سيريز سڄي دنيا ۾ تمام گهڻي مشهور  ٿي آهي ۽ اهو ئي سبب آهي ته ڪمپني طرفان سال ۾ گهٽ ۾ گهٽ 2 ڀيرا ان کي اپ ڊيٽ ڪيو ويندو آهي. مئي ۾ ڪمپني رينو 6 سيريز جا 3 فون رينو 6، رينو 6 پرو ۽ 6 پرو پلس متعارف ڪرايا هئا جن مان هاڻي رينو 6 کي پاڪستان ۾ پيش ڪيو ويو آهي. ان فون ۾ 6.43 انج جو فليٽ اموليڊ ڊسپلي 90 هرٽز ريفريش ريٽ ۽ ايف ايڇ ڊي پليس ريزوليشن سان گڏ ڏنو ويو. فون ۾ 8 جي بي ريم ۽ 128 جي بي اسٽوريج موجود آهي پر ريم ايڪسپينشن ٽيڪنالاجي به ڊوائيس جو حصو آهي جنهن سان ورچوئلي 2-3 يا 5 جي بي واڌو ريم پاور ڊيوائس کي حاصل هوندي آهي. اوپو رينو 6 ڪوالڪوم جي اسنيپ ڊريگون 720 جي پروسيسر تي مشتمل آهي. فون ۾ 4300 ايم اي ايڇ بيٽري موجود آهي جنهن سان گڏ 50 واٽ فاسٽ چارجنگ سپورٽ ڏني وئي آهي. رينو 6 ۾پٺيان کان 4 ڪيميرائن جو سيٽ اپ ڏنو ويو آهي جنهن ۾ مک ڪيميرا 64 ميگا پڪسل جو آهي جنهن سان گڏ 8 ميگا پڪسل الٽرا وائيڊ، 2 ميگا پڪسل ميڪرو ۽ 2 ميگا پڪسل ڊيپٿ ڊيٽا ڪيمرا موجود آهي. فون جي اڳيان پنج هول ڊيزائن ۾ 44 ميگا پڪسل جو ڪيميرا لڪل آهي. پاڪستان ۾ اها فون هاڻي پري آرڊر ۾ ٻن رنگن ۾ موجود آهي ۽ ان جي قيمت 60 هزار رپيا رکي وئي آهي. ڪمپني آڪٽوبر ۾ اوپو رينو 5 پرو 5 جي بي به متعارف ڪرائڻ جو واعدو ڪيو آهي.

پهنجو تبصرو موڪليو