نثار مورائي کي 7 سال قيد 10 لک روپيا ڏنڊ جي سزا

ڪراچي (اسٽاف رپورٽ) فشرمين ڪوآپريٽوِ سوسائٽي جي اڳوڻي چيئرمين نثار مورائي کي غيرقانوني ڀرتين جي مختلف ڪيسز ۾ مجموعي طور 11 سال قيد جي سزا، ڪراچي جِي احتساب عدالت فشرمين ڪوآپريٽو سوسائٽي ۾ غيرقانوني ڀرتين جو ڏوهه ثابت ٿيڻ تي نثار مورائي ۽ سلطان قمر سوڌو چئن جوابدارن کي 7-7 سال قيد جي سزا ٻڌائي ڇڏي، نثار مورائي کي جعلي ڀرتين جي هڪ ٻئي ڪيس ۾ 4 سال قيد جي به سزا جو حڪم ڏنو ويو، اڳوڻي چيئرمين ڪو آپريٽو سوسائٽي نثار مورائي ۽ ٻين خلاف غير قانوني ڀرتين جي حوالي سان نيب ريفرنس جي ٻڌڻي ٿي، عدالت ٻين جوابدارن عمران افضل ۽ شوڪت حسين کي به 4، 4 سال قيد جي سزا ٻڌائي جڏهن ته چئني جوابدارن تي 10، 10 ملين روپيا ڏنڊ جو به حڪم ڏنو. عدالت نثار مورائي کي مجموعي طور تي 11 سال قيد ۽ 5 لک ڏنڊ جي سزا ڏني، عدالتي فيصلي ۾ چيو ويو آهي ته نثا مورائي فشريز ۾ 143 غير قانوني ڀرتيون ڪيون ۽ 20 ماڻهن کي مستقل ڪيو، نثار مورائي جي خلاف غير قانوني ڀرتيون جو الزام ثابت ٿئي ٿو، جڏهن ته ٻين جوابدارن خلاف غير قانوني ڀرتين جو الزام ثابت نٿو ٿئي.

پهنجو تبصرو موڪليو