اسلام آباد(رپورٽ الله وسايو گهوٽو) مخالف ڌر جي پارٽين جي اتحاد پي ڊي ايم جو اجلاس 8 نومبر تي طلب، جي يوآءِ جو به اجلاس 10 نومبر تي طلب ڪيو ويو آھي. جي يوآءِ ف ۽ پي ڊي ايم جي سربراهه مولانا فضل الرحمان پي ڊي ايم جو اجلاس 8 نومبر تي طلب ڪيو آھي جيڪو نواز ليگ سيڪريٽريٽ اسلام آباد ۾ ٿيندو، اجلاس ۾ ن ليگ سربراهه ميان نواز شريف ۽ پيپلزپارٽي جي چيئرمين بلاول ڀٽو زرداري جي وڊيو لنڪ ذريعي شرڪت ڪرڻ جو امڪان آھي، اجلاس ۾ پي ڊي ايم جي حڪومت خلاف تحريڪ کي موثر بنائڻ جي حوالي سان غور ٿيندو، حڪومتي اپائن ۽ تنقيد خلاف موثر حڪمت عملي جوڙڻ بابت به غور ٿيندو.
