اسلام آباد (بيورو رپورٽ) پي ٽي آئي چيئرمين بيرسٽر گوهر الزام لڳايو آهي ته گلگت بلتستان ۾ پري پول دھاندلي (چونڊن کان اڳ ڌانڌلي) ڪئي وئي، حلف واري ڏينهن گلگت بلتستان ۾ يومِ سياه (ڪارو ڏينهن) ملهايو ويندو.اسلام آباد ۾ ميڊيا سان گفتگو ڪندي پي ٽي آئي چيئرمين بيرسٽر گوهر جو چوڻ هو ته اسان ان کي جعلي ۽ ڌانڌلي ٿيل چونڊون قرار ڏيون ٿا، هڪ خاص منصوبي تحت پي ٽي آئي کي ان سڄي عمل مان ٻاهر ڪڍيو ويو. بيرسٽر گوهر دعويٰ ڪئي ته اسان 8 سيٽن تي 100 سيڪڙو کٽي رهيا هئاسين جن جو فارم 47 ملڻ گهرجي ها، هن وقت تائين اسان وٽ 3 تڪن جا فارم 47 موجود آهن. هن جو چوڻ هو ته حلف واري ڏينهن گلگت بلتستان ۾ يومِ سياه (ڪارو ڏينهن) ملهايو ويندو.”
