واشنگٽن(ويب ڊيسڪ)آمريڪا گڏيل عرب امارات ۽ ڪويت کي 16.46 ارب ڊالر جي فوجي هٿيارن جي وڪرو جي منظوري جو اعلان ڪيو آهي، جيڪي ٻئي خليجي ملڪ آهن ۽ واشنگٽن ۽ تل ابيب جي ايران خلاف جنگ جي اثرن کان متاثر ٿيا آهن.
اي ايف پي جي رپورٽ موجب آمريڪي پرڏيهي سيڪريٽري مارڪو روبيو چيو آهي ته هن “اهو طئي ڪيو آهي ۽ تفصيلي جواز فراهم ڪيو آهي ته هڪ هنگامي صورتحال موجود آهي، جنهن لاءِ فوجي سامان جي فوري وڪري جي ضرورت آهي”، جنهن ڪري ڪانگريس جي منظوري واري شرط کي نظرانداز ڪيو ويو آهي۔
بيان موجب سڀ کان وڏي اڪيلي ڊيل 8 ارب ڊالر جي آهي، جيڪا هيٺين درجي جي هوائي ۽ ميزائل دفاعي سينسر ريڊارز جي آهي. جيڪي تيز رفتار هدفن کي ٽريڪ ڪرڻ ۽ ميزائل دفاعي نظام کي ڊيٽا فراهم ڪرڻ لاءِ ٺاهيا ويا آهن.
پرڏيهي کاتي موجب ٻي وڏي ڊيل گڏيل عرب امارات لاءِ آهي، جنهن ۾ ڊگهي فاصلي وارو ڊسڪرمنيشَن ريڊار شامل آهي، جيڪو بيلسٽڪ ميزائل خطري کي ٽريڪ ڪري ٿو ۽ لاڳاپيل سامان، جنهن جي قيمت 4.5 ارب ڊالر آهي.
يو اي اي کي ان کان علاوه ننڍن، بي پائلٽ جهازن (ڊرونز) کي ناڪام بڻائڻ وارا نظام 2.1 ارب ڊالر ۾ خريد ڪرڻ جي منظوري پڻ ملي آهي، جديد هوا کان هوا ۾ مار ڪندڙ ميزائل 1.22 ارب ڊالر ۾، ۽ F-16 جنگي جهازن لاءِ بارود ۽ اپگريڊ 644 ملين ڊالر ۾۔
