ڪراچي )اسٽاف رپورٽر) آءِ جي سنڌ جاويد عالم اوڍهو سان انڊونيشيا جي قونصل جنرل مدزاڪر Mr. Mudzakir جي سينٽرل پوليس آفيس ڪراچي ۾ ملاقات ٿي۔ ملاقات دوران گڏيل دلچسپي وارن معاملن ۽ ٻنهي ملڪن جي لاڳاپن کي وڌيڪ مضبوط ڪرڻ بابت خيالن جي ڏي وٺ ڪئي وئي۔ ان موقعي تي انڊونيشيا جي قونصل جنرل صوبي ۾ سيڪيورٽي انتظامن ۽ گڏيل امن امان جي صورتحال تي اطمينان جو اظهار ڪيو۔ انڊونيشين قونصليٽ جنرل طرفان سنڌ پوليس جي پيشيوراڻي صلاحيتن ۽ امن امان جي قيام لاءِ ڪيل قدمن کي ساراهيندي سيڪيورٽي انتظامن جي فراهمي تي ٿورا پڻ مڃيا ويا۔ آءِ جي سنڌ جاويد عالم اوڍهو معزز مهمان کي صوبي ۾ امن امان جي قيام ۽ سيڪيورٽي کي وڌيڪ مؤثر بڻائڻ لاءِ کنيل قدمن بابت تفصيلي آگاهي ڏني۔ ملاقات ۾ ڊي آءِ جي هيڊڪوارٽرز ۽ اي آءِ جي آپريشنز پڻ موجود هئا۔ ملاقات جي پڄاڻي تي سنڌ پوليس طرفان انڊونيشيا جي قونصل جنرل کي يادگاري شيلڊ پڻ پيش ڪئي وئي۔
