ڪراچي(ويب ڊيسڪ)اقوامِ متحده پاڪستان طرفان مشهور اداڪاره هانيه عامر کي نئين قومي گُڊ وِل ايمبيسيڊر طور مقرر ڪيو ويو آهي. تنظيم موجب، هانيه عورتن جي حقن، برابري ۽ بااختياري لاءِ آگاهي ڦهلائڻ ۾ اهم ڪردار ادا ڪندي. انسٽاگرام تي جاري ڪيل پوسٽ ۾ چيو ويو ته هانيه عامر پنهنجي نئين ڪردار تحت پنهنجي پليٽفارم ذريعي آگاهي ڦهلائڻ، عملي قدمن جي همت افزائي ڪرڻ ۽ سڄي ملڪ ۾ عورتن ۽ ڇوڪرين جي آواز کي وڌيڪ مضبوط ڪرڻ ۾ مدد ڪندي. هانيه عامر چيو ته عورتن لاءِ برابري ۽ بااختياري منهنجي پهرين ترجيح آهي، هر ڇوڪري کي پنهنجا خواب پورا ڪرڻ جو حق ملڻ گهرجي. ياد رهي ته ڪجهه ڏينهن اڳ هانيه عامر آمريڪا جي شهر هيوسٽن ۾ هڪ ايوارڊ تقريب دوران طبيعت ناساز ٿيڻ سبب علاج هيٺ رهي هئي، پر هاڻي هوءَ مڪمل صحتياب آهي.
