يروشلم (ويب ڊيسڪ) فلسطين تي قبضو ڪندڙ صيهوني وزيراعظم بنجمن نيتن ياهو چوي ٿو ته اسان غزه تي قبضو ڪرڻ وارا نه آهيون، پر غزه کي حماس کان آزاد ڪرائڻ لاءِ آهيون.ڪالهه، اسرائيلي ڪابينا وزيراعظم نيتن ياهو جي غزه تي قبضي جي تجويز کي منظور ڪيو، جنهن جي آسٽريليا، جرمني، اٽلي، نيوزي لينڊ ۽ برطانيه مخالفت ڪئي.هڪ گڏيل بيان ۾، پنجن ملڪن جي پرڏيهي وزيرن چيو ته اهي غزه ۾ وڌيڪ وڏي فوجي ڪارروائي شروع ڪرڻ جي اسرائيلي فيصلي کي رد ڪن ٿا، ۽ فلسطين لاءِ ٻه رياستي حل لاڳو ڪرڻ جي پنهنجي عزم ۾ متحد آهن.پاڪستان به اسرائيلي ڪابينا جي فيصلي جي مذمت ڪئي، چيو ته پاڪستان اسرائيل کي تسليم نٿو ڪري.پرڏيهي آفيس جي ترجمان هفتيوار پريس بريفنگ ۾ چيو ته فلسطينين خلاف ظلمن دوران اسرائيل سان رابطن جو ڪو سوال ئي پيدا نٿو ٿئي.فلسطيني مزاحمتي تنظيم حماس اسرائيلي ڪابينا جي غزه تي قبضي جي منظوري جي فيصلي جي سخت مذمت ڪندي چيو ته اسرائيل جو غزه شهر تي ڪنٽرول ڪرڻ جو فيصلو جنگي جرم آهي.حماس چيو ته هي مجرمانه مهم اسرائيلي فوجن لاءِ مهانگي پوندي ۽ غزه تي قبضي جو هي رستو آسان نه هوندو.هاڻي اسرائيلي وزيراعظم نيتن ياهو جو هڪ ٻيو بيان هن حوالي سان سامهون آيو آهي جنهن ۾ هن چيو آهي ته اسان غزه تي قبضو ڪرڻ وارا نه آهيون پر غزه کي حماس کان آزاد ڪرائڻ وارا آهيون.نيتن ياهو جو چوڻ آهي ته غزه کي غير مسلح ڪيو ويندو ۽ هڪ پرامن سول انتظاميا قائم ڪئي ويندي، غزه ۾ سول انتظاميا ۾ فلسطيني اٿارٽي، حماس ۽ ڪا به دهشتگرد تنظيم شامل نه هوندي.اسرائيلي وزيراعظم بنجمن نيتن ياهو چيو ته هي قدم اسان جي يرغمالين کي آزاد ڪرائڻ ۾ مدد ڪندو.
