ڪراچي(ويب ڊيسڪ) هندستان چنڊ کانپوءِ سج ڏانهن به پنهنجو پهريون مشاهداتي خلائي مشن شروع ڪيو آهي. Aditya-L1 ڇنڇر تي سري هريڪوٽا جي لانچ پيڊ تان 11:50 هندستان جي وقت موجب (06:20 GMT) سج ڏانهن مشن روانو ڪيو. اهو ڌرتيءَ کان 15 لک ڪلوميٽر (932,000 ميل) سفر ڪندو. هندستان جي خلائي ايجنسي جو چوڻ آهي ته اهو سفر ڪرڻ ۾ چار مهينا لڳندا. شمسي نظام جي سڀ کان وڏي شئي جو مطالعو ڪرڻ لاءِ هندستان جو پهريون خلائي مشن جو نالو سوريا جي نالي تي رکيو ويو آهي. سج جي هندو ديوتا جنهن کي اديتا جي نالي سان پڻ سڃاتو وڃي ٿو. يورپي اسپيس ايجنسي جي مطابق، هڪ Lagrange پوائنٽ هڪ اهڙي جڳهه آهي جتي سج ۽ ڌرتي جي ڪشش ثقل قوتون هڪٻئي کي رد ڪن ٿيون ۽ ان مقام تي خلائي جهاز کي “هوور” ڪرڻ ۾ مدد ملي ٿي. هڪ دفعو Aditya-L1 هن ”پارڪنگ اسپاٽ“ تي پهچندو، اهو سج جي چوڌاري ڌرتيءَ جي برابر گردش ڪرڻ جي قابل هوندو. هن جو مطلب اهو پڻ آهي ته سيٽلائيٽ کي هلائڻ لاء تمام گهٽ اينڌن جي ضرورت هوندي. ياد رهي ته هندوستان تازو چندريان 3 خلائي مشن ڪاميابي سان چنڊ تي لينڊ ڪرايو هو. هندوستان چنڊ جي ڏاکڻي حصي تي پهچڻ وارو دنيا جو پهريون ملڪ آهي. جڏهن ته چنڊ تي پهچڻ وارو دنيا جو آمريڪا. روس ۽ چين بعد چوٿون ملڪ آهي.
