اسلام آباد(بيورو رپورٽ)ناڻي واري وزارت ۽ آءِ ايم ايف جي عملدارن وچ ۾ ورچوئل رابطا ٿي ويا آهن.ان حوالي سان ناڻي واري وزارت جي ذريعن جو چوڻ آهي ته گئس سيڪٽر جي گردشي قرضن کي گهٽائڻ لاءِ نئين منصوبي تي غور ڪيو ويو آهي ۽ آءِ ايم ايف کان گئس شعبي جي گردشي قرضن ۾ گهٽتائي جي منصوبي تي وڌيڪ وضاحت طلب ڪري ورتي آهي.ذريعن موجب ڊيويڊنڊ اسڪيم گئس سيڪٽر جي گردشي قرضن کي گهٽائڻ لاءِ متعارف ڪرائي وئي آهي. ڊيويڊنڊ پلگ ان بيڪ اسڪيم 400 بلين کان وڌيڪ ريوولنگ ڪريڊٽ گھٽائي ڇڏيندو.ذريعن جو چوڻ آهي ته پلگ ان بيڪ اسڪيم سان گئس سيڪٽر جو گردشي قرض 1200 ارب تائين گهٽجي ويندو.ذريعن جو اهو به چوڻ آهي ته نگران ناڻي واري وزير ڊاڪٽر شمشاد اختر آءِ ايم ايف ۽ ناڻي واري وزارت سان ڳالهيون ڪندي ۽ آءِ ايم ايف ايندڙ مهيني باقاعده معاشي جائزي جون ڳالهيون شروع ڪندو.
