رحيم يار خان(ويب ڊيسڪ) پوليس ڪچي واري علائقي مان ڪارروائي ڪندي اغوا ڪيل ڪانسٽيبل احمد نواز کي بازياب ڪرائي ورتو.پوليس ترجمان موجب خميس جي شام ماڇي ۾ ڌاڙيلن جي حملي بعد ڌاڙيل ڪانسٽيبل احمد نواز کي اغوا ڪري فرار ٿي ويا.بعد ۾ اغوا ڪندڙن پوليس اهلڪار احمد نواز جي وڊيو به جاري ڪئي، جنهن ۾ مغوي اهلڪار چيو ته آءِ جي پنجاب ۽ وڏي وزير مريم نواز ڌاڙيلن جا مطالبا پورا ڪن، ٻي صورت ۾ مونکي قتل ڪيو ويندو.پوليس اهلڪار جي بازيابي کانپوءِ ڊي پي او رضوان گوندل چيو ته علائقي ۾ پوليس جي موجودگي مضبوط آهي.
