ڪراچي(اسٽاف رپورٽر)ن ليگ جي سينئر نائب صدر شاهه محمد شاهه ڪئنالن واري معاملي تي وزيراعظم کي خط لکي سي سي آءِ جو اجلاس طلب ڪرڻ جو مطالبو ڪيو آهي. ن ليگ جي سينئر نائب صدر شاهه محمد شاهه ڪئنالن واري معاملي تي وزيراعظم کي خط لکي ڇڏيو آهي. هن خط ۾ ڄاڻايو ته ڪئنالن وارو معاملو انتهائي حساس نوعيت جو آهي، ان تي سي سي آءِجو اجلاس طلب ڪيو وڃي. شاهه محمد شاهه خط ۾ ڄاڻايو ته عالمي اصولن تحت سنڌو درياهه تي سڀ کان پهرين حق سنڌ جي عوام جو آهي. خط ۾ ڄاڻايو ويو ته نواز شريف 1991 سنڌ سرڪار ۽ وفاق وچ ۾ پاڻي معاهدو ڪيو هو،جنهن تحت ڪوبه صوبو ٻي صوبي جي پاڻي تي حق نٿو رکي سگهي. هن خط ۾ مطالبو ڪيو ته پاڻي معاملي تي راءِ وٺڻ جي لاٰءِ سنڌ مان پاڻي ماهر گهرايا وڃن.
