پشاور (ويب ڊيسڪ)خيبر پختونخواهه جي وڏي وزير سهيل آفريدي جي اطلاعات بابت خاص مددگار شفيع جان چيو آهي ته وفاقي حڪومت آپريشن جو الزام صوبائي حڪومت تي لڳائڻ جي ناڪام ڪوشش ڪري رهي آهي.وفاقي حڪومت جي بيان جي جواب ۾ شفيع جان چيو ته تيره وادي مان ماڻهن جي ڪڍڻ بابت وفاقي حڪومت جو بيان بي بنياد آهي.هن چيو ته وفاقي حڪومت آپريشن جو الزام صوبائي حڪومت تي لڳائڻ جي ناڪام ڪوشش ڪري رهي آهي. سڄي قوم کي خبر پئجي چڪي آهي ته آپريشن جي ڪري تيره وادي جا ماڻهو لڏپلاڻ ڪرڻ تي مجبور آهن. قومي اسيمبلي ۾ خواجه آصف ۽ طلال چوڌري جون تقريرون رڪارڊ تي آهن.شفيع جان چيو ته ڪي پي جي وڏي وزير بار بار تيره وادي آپريشن بابت پنهنجو موقف واضح ڪيو آهي. صوبائي اسيمبلي جي جرگہ امن ۾ سڀني سياسي پارٽين آپريشن جي مخالفت ڪئي هئي. ڪي پي حڪومت، سياسي پارٽين ۽ ٻين اسٽيڪ هولڊرز کي آپريشن تي اعتماد ۾ وٺڻ گهرجي ها.هن وڌيڪ چيو ته بي گهر ماڻهن لاءِ 4 ارب رپين جي جاري ڪرڻ بابت وفاقي حڪومت جو بيان انتهائي بيوقوفانه آهي. صوبائي حڪومت متاثرين کي امداد فراهم ڪرڻ لاءِ بروقت فنڊ جاري ڪيا.
