لاهور (ويب ڊيسڪ)امير جماعت اسلامي حافظ نعيم الرحمان چيو آهي ته ڪراچي ۾ خوف جي صورتحال آهي، ڪراچي ۾ نوجوانن کي نشانو بڻائي قتل ڪيو پيو وڃي.منصوره ۾ پريس ڪانفرنس ڪندي حافظ نعيم الرحمان چيو ته ڪراچي مني پاڪستان ۽ پاڪستان جي شه رڳ آهي، حڪومتون ڪراچي کي نظرانداز ڪن ٿيون.هن چيو ته ڪراچي ۾ 4 کان 5 مهينن ۾ 800 کان وڌيڪ نوجوانن کي نشانو بڻايو ويو، هڪ سال ۾ 90 هزار واقعا ٿيا آهن.حافظ نعيم الرحمان جو چوڻ آهي ته ڪراچي ۾ 80 کان 90 سيڪڙو ماڻهو رپورٽ نٿا ڪن، رڳو ڦرلٽ جا ڏوهن ۾ پنج کان ڇهه سئو سيڪڙو وڌيڪ آهن.امير جماعت اسلامي چيو ته پي ڊي ايم ٽو ساڳي ئي حڪومت آهي هلندڙ نظام کي ڪيرايو.
