لاهور(ويب ڊيسڪ) پاڪستان تحريڪ انصاف جي چيئرمين عمران خان جو چوڻ آهي ته منهنجي گرفتاري عدالت ۾ پيش ٿيڻ نه پر مون کي مارڻ آهي.پاڪستان تحريڪ انصاف جي چيئرمين عمران خان صحافين سان ڳالهائيندي چيو ته چونڊن کي ڪنهن به صورت ۾ 90 ڏينهن کان اڳتي وڌڻ نه ڏنو ويندو.جيڪڏهن چونڊون 90 ڏينهن کان اڳتي وڌيون ته هو آئيني تحريڪ شروع ڪندا، ڪنهن به صورت ۾ آئين جي ڀڃڪڙي ڪري چونڊون اڳتي وڌڻ نه ڏينداسين.هنن چيو ته منهنجي گرفتاري عدالت ۾ پيش ٿيڻ لاءِ نه پر مون کي مارڻ لاءِ آهي، مون ڪڏهن به عدالت ۾ پيش ٿيڻ کان انڪار ناهي ڪيو، هو مونکي اهڙي هنڌ سڏي رهيا آهن، جتي مون کي سيڪيورٽي خدشن آهي. هن وڌيڪ چيو ته هو قانون جي حڪمراني ۽ ان تي عملدرآمد تي يقين رکي ٿو، هو 18 مارچ تي عدالت ۾ پيش ٿيندو، جڏهن هن چيو ته هو عدالت ۾ پيش ٿيندو ته هي ڊرامو ڇو رچايو پيو وڃي؟، عمران خان چيو ته منهنجا ڪارڪن ناراض آهن، ڪارڪنن جو چوڻ آهي ته توهان بار بار قانون لاڳو ڪندڙ ادارن جون رٽون ڇو جاري ڪري رهيا آهيو،پي ٽي آءِ چيئرمين چيو ته سپريم ڪورٽ جو فيصلو نه مڃڻ ٽيڪ اوور جي دعوت هوندي، منهنجي حڪمت عملي ان ڳالهه تي ٻڌل آهي ته سپريم ڪورٽ جو فيصلو قبول ڪن يا نه،هن چيو ته مارچ 2021 ۾ اهم شخص ٻڌايو ته جنرل باجوه توهان کي برطرف ڪرڻ جو فيصلو ڪيو آهي،پوليس ۽ رينجرز اهلڪارن مون کي گرفتار ڪرڻ لاءِ ٻه ڀيرا رابطو ڪيو، ڪو شڪ ناهي ته گرفتاري کانپوءِ مون تي تشدد ڪيو ويندو،چوڌري پرويز الاهي بابت هڪ سوال تي عمران خان انڪشاف ڪيو ته چوڌري پرويز الاهي ڪورونا ۾ مبتلا ٿي ويو آهي.
