ڪراچي (اسٽاف رپورٽر) بلديات واري وزير سيد ناصر حسين شاهه ملڪ جي مجموعي صورتحال جي حوالي سان هڪ اهم بيان ۾ چيو آهي ته عمران خان سياست ۾ تشدد ۽ ذهنن ۾ جنهن قسم جو زهر ڀريو آهي ان سان قومي تشخص کي تمام گهڻو نقصان رسيو آهي. عمراني پراجيڪٽ عوام جي برين واش ڪئي، ان جا نتيجا پوري قوم ڀوڳي رهي آهي، هن چيو ته ملڪ ۾ آئيني بحران جو سبب عمران نيازي آهي، جنهن رياستي ادارن کي صرف پنهنجي ذاتي مفاد لاءِ استعمال ڪيو ۽ صورتحال ان حد تائين پهچي وئي آهي. ملڪ جا اهم آئيني ادارا به ڌوئي رهيا آهن، جنهن ڪري انصاف ۽ تحفظ ٻنهي جي ضرورت ختم ٿي رهي آهي. ناصر شاهه چيو ته عمران نيازي آر ايس ايس جي طرز تي دهشتگرد پيدا ڪيا آهن جن ملڪ جي اعليٰ سڪيورٽي ادارن جي ملڪيتن کي نشانو بڻايو آهي. عمران خان ملڪ جي آرمي چيف کي نشانو بڻائي ڀارتي ۽ اسرائيلي آقا جو مقصد پورو ڪري رهيو آهي. هن چيو ته هاڻي تعميراتي منصوبي کي هٿي وٺرائڻ ۽ سهولتڪارن خلاف سچائي ڪميشن قائم ڪرڻ جي سخت ضرورت آهي ۽ هي سچائي ڪميشن نه رڳو سمورن اهم ادارن مان ڪرپٽ ذهنيت رکندڙ ڪردارن کي هٽائي پر انهن جي نفسياتي علاج جو به بندوبست ڪري.هن چيو ته عمران خان خان صاحب ملڪ جي سلامتي لاءِ مسلسل خطرو بڻجي رهيو آهي، جيڪو ملڪي مفاد لاءِ ناقابل تلافي نقصان آهي. هن چيو ته پنهنجي ڏوهن کي لڪائڻ لاءِ عمران خان عوام لاءِ ڍال بڻيل آهي ۽ حيرت جي ڳالهه اها آهي ته هن لاڏلي کي گهربل فيصلو ملي ٿو، جنهن سان عوام کي اشتعال انگيز ٿي ملڪ ۾ افراتفري جو ماحول پيدا ڪرڻ لاءِ تيار ڪيو وڃي.
