لاهور(ويب ڊيسڪ) پاڪستان مسلم ليگ ن سنڌ صوبي ۾ وڏي تنظيمي تبديلي ڪئي. تبديلين جو نوٽيفيڪيشب پارٽي جي سيڪريٽري جنرل احسن اقبال جاري ڪيو جنهن ۾ اڳوڻي ڊائريڪٽر جنرل (ڊي جي) فيڊرل انويسٽيگيشن ايجنسي (ايف آءِ اي) بشير ميمڻ کي مسلم ليگ ن سنڌ جو صدر ڪيو ويو آهي جڏهن ته شاهه محمد شاهه عهدو واپس وٺي ڪري کيس ن ليگ سنڌ جو نائب صدر مقرر ڪيو ويو آهي. مسلم ليگ ن ۾ شامل ٿيڻ تي بشير ميمڻ کي 29 سيپٽمبر 2023ع تي استقباليه ڪميٽي سنڌ جو ڪنوينر بڻايو ويو.21 آڪٽوبر تي نواز شريف جي استقبال لاءِ سنڌ ۾ استقباليه ڪميٽي جوڙي وئي.ن ليگ طرفان ٻنهي مقررين جو باضابطا نوٽيفڪيشن جاري ڪيو ويو آهي.
