ڪوئٽه (ويب ڊيسڪ)مسلم ليگ ن جي مرڪزي اڳواڻ ۽ اڳوڻي وزيراعظم شاهد خاقان عباسي چيو آهي ته الزام تراشي جي سياست ملڪ جا مسئلا حل نٿي ڪري سگهي، سمورن مسئلن جو حل آئين ۾ آهي.ڪوئيٽا ۾ لشڪر رئيساڻي، مصطفيٰ نواز کوکر، مفتاح اسماعيل ۽ ٻين سان گڏ پريس ڪانفرنس ڪندي شاهد خاقان عباسي چيو ته ڪالهه ڪوئيٽا ۾ قومي ڳالهه ٻولهه ٿي، جنهن ۾ اسان سڀني قومي معاملن تي غير جماعتي ڳالهه ٻولهه ڪئي.هن چيو ته ملڪ جي سياسي صورتحال جا ذميوار اسان سڀ آهيون، آئين جي ڳالهه ته ڪريون ٿا پر آئين تي مڪمل عمل نه ٿا ڪريون، اڄ جي سياست انتقام ۽ دشمني جي سياست بڻجي وئي آهي، اڄ جي سياست هڪ ٻئي کي گاريون ڏيڻ ۽ الزام هڻڻ جي آهي. سياست ملڪ جا مسئلا حل نٿي ڪري سگهي.شاهد خاقان عباسي چيو ته ڪوئيٽا مان نڪرندڙ انهن سمورن معاملن تي بحث ڪرڻ لاءِ هڪ فورم جوڙيو ويو، حقيقتون اهي ناهن جيڪي ٽي وي تي ڏيکاريون وڃن يا اخبارن ۾ ٻڌايون وڃن.اڳوڻي وزيراعظم چيو ته ملڪ کي هن وقت سياسي استحڪام جي سخت ضرورت آهي، معيشت، سياست ۽ ٻين مسئلن جو حل آئين ۾ آهي، سياستدان، فوج، بيوروڪريٽس ۽ ميڊيا سميت اسان سڀ ذميوار آهيون. ۽ عدليه کي به ڏسڻ گهرجي ته انهن فيصلن جو ملڪ تي اثر پوي ٿو.هن چيو ته ملڪ جون حقيقتون تمام تلخ آهن، پاڪستان جي مسئلن جو ڪو معجزاتي حل ناهي، جيڪڏهن اسان چاهيون ٿا ته ملڪ جا مسئلا حل ٿين ته پوءِ سياسي مفادن کان مٿانهون ٿي ملڪي مفادن کي سمجهڻ گهرجي ۽ سمورا ڪم ملڪي مفادن موجب ڪرڻ گهرجن. آئين جي حوالي سان فيصلا ڪرڻا پوندا.
