رياض (ويب ڊيسڪ)سعودي عرب ترڪي جي ڪمزور معيشت کي سهارو ڏيڻ لاءِ ترڪي جي مرڪزي بئنڪ ۾ 5 ارب ڊالر جمع ڪرايا.پرڏيهي ميڊيا موجب سعودي عرب هڪ معاهدي تحت سعودي فنڊ ڊولپمينٽ (ايس ايف ڊي) ذريعي ترڪي جي سينٽرل بئنڪ ۾ 5 ارب ڊالر جمع ڪرايا.سعودي ناڻي واري وزير محمد بن الجدعان ڊسمبر 2022 ۾ پنهنجي ارادي جو اظهار ڪيو هو ته سندس ملڪ اها رقم ترڪي جي بئنڪ ۾ جمع ڪرائڻ چاهي ٿو.ياد رهي ته ترڪي گذريل 2 سالن کان بدترين معاشي مسئلن کي منهن ڏئي رهيو آهي ۽ ترڪي جا پرڏيهي مٽا سٽا جا ذخيرا 20 سالن ۾ بدترين پوزيشن کانپوءِ 6 ارب ڊالرن کان مٿي ٿي ويا هئا پر تازو آيل زلزلي ۾ اهو ٻيهر گهٽجي 8 ٿي ويو آهي. ۽ اڌ بلين ڊالر، ڊالر جو نقصان برداشت ڪرڻو پيو. ميڊيا رپورٽن موجب ترڪي جي مرڪزي بئنڪ جي ذخيرن ۾ 24 فيبروري تي ختم ٿيندڙ هفتي ۾ 1.4 بلين ڊالر جي گهٽتائي ٿي آهي.مالي بحران سبب 2021ع ۾ ترڪي ليرا جي قدر ۾ ڊالر جي مقابلي ۾ 44 سيڪڙو گهٽتائي ٿي، جڏهن ته 2022ع ۾ به ليرا جي قدر ۾ 30 سيڪڙو گهٽتائي ڏسڻ ۾ آئي.واضح رهي ته 2018ع ۾ استنبول ۾ سعودي سفارتخاني ۾ قتل ٿيل صحافي جمال خاشقجي جي واقعي کانپوءِ ٻنهي ملڪن وچ ۾ ڇڪتاڻ واري صورتحال آهي.
