نوشهروفيروز (مشتاق مري) ايگزيڪيوٽو انجنيئر بلڊنگس جي آفيس تي اينٽي ڪرپشن جو ڇاپو. جڊيشل مئجسٽريٽ مختيار علي جکراڻي جي موجودگي ۾ سرڪل آفيسر سانول خان گهوٽو ۽ سب انسپيڪٽر فاروق علي هاليپوٽو ڇاپو هنيو. ان موقعي تي ميڊيا کي تفصيل ڏيندي سرڪل آفيسر ٻڌايو ته شڪايتون مليون آهن ته ايم اينڊ آر اسڪيمن ۾ انجنيئر ساجد شيخ ۽ سندس عملي پاران وڏي پئماني تي ڪرپشن ڪئي آهي انهن مليل شڪايتن تي ڇاپو هنيو آهي ۽ رڪارڊ تحويل ۾ ورتو آهي. انجنيئر ۽ عملو موقعي تان فرار ٿي ويو آهي وڌيڪ جاچ ڪري ڪرپشن ۾ ملوث عملي خلاف ڪيس داخل ڪري ڪارروائي ڪئي ويندي.
