گسٽا پاران سنڌ ۾ احتجاج، امتحانن جو بائيڪاٽ

ڪراچي(نمائندن وٽان) سنڌ جي مختلف شهرن ۾ گسٽا جي سڏ تي استادن جو احتجاج، امتحانن جي بائيڪاٽ جو چتاءُ، سانگهڙ ۾ گسٽا جي ضلعي صدر رستم نظاماڻي ۽ ٻين جي اڳواڻي ۾ ريلي ڪڍي وئي، دادو ۾ مطالبن جي مڃتا لاءِ استادن منظور احمد پنهور، جاويد اڪبر ميمڻ ۽ ٻين جي اڳواڻي ۾ پائلٽ هاءِ اسڪول کان احتجاجي ريلي ڪڍي ڪچهري روڊ تي ڌرڻو هنيو، جوھي ۾ استادن منظور لاشاري، خير محمد سرھيو ۽ ٻين جي اڳواڻي ۾ ھاءِ اسڪول کان پريس ڪلب تائين احتجاجي ريلي ڪڍي، ميهڙ، سامارو، رتوديرو، پيرجو ڳوٺ، فيض گنج، هالا، مٽياري، ڊگهڙي، لکي غلام شاهه، ميرپور بٺورو، ميروخان، ٽنڊو باگو، ترائي ۽ ٻين ننڍن وڏن شهرن ۾ استادن ترديسي عمل جو بائيڪاٽ ڪري احتجاجي ريليون ڪڍي مظاهرا ڪيا، گهوٽڪي ۾ استادن زاھد پٺاڻ، لطف الله، محمد بخش عارباڻي ۽ ٻين جي اڳواڻي ۾ ريلي ڪڍي، گسٽا جي اڳواڻن جو چوڻ آهي ته معاھدي تحت ٽائيم اسڪيل،ترقيون ڏيڻ سان گڏ 2012 ۾ ڀرتي ڪيل استادن کي پگھارون جاري ڪيون وڃن،سنڌ جي استادن سميت سمورن ملازمن کي سي ايم هائوس ۽ گورنر هائوس جي ملازمن جيتريون پگهارون ۽ ٻيا الائونسز ڏنا وڃن، گسٽا چتاءُ ڏنو آهي ته مطالبا تسليم نه ڪيا ويا ته نائين ۽ ڏهين جي امتحانن جو بائيڪاٽ ڪيو ويندو.