اسلام آباد: (بيورو رپورٽ) نيب نوازشريف، آصف زرداري ۽ ٻين سياستدانن جا 80 ڪرپشن جا ڪيس بحال ڪندي اسلام آباد جي احتساب عدالت کي خط لکي ڇڏيو آهي.رپورٽ موجب سپريم ڪورٽ جي فيصلي جي روشني ۾ نيب ايڪشن کڻندي اسلام آباد جي احتساب عدالت 80 ڪيسز کولڻ جو فيصلو ڪيو آهي. ان حوالي سان نيب طرفان اسلام آباد جي احتساب عدالت کي خط لکي ڇڏيو آهي جنهن کان پوءِ سمورن ڪيسز جو رڪارڊ پيش ڪيو ويندو. ذريعن ٻڌايو آهي ته عدالتي حڪم تي آصف علي زرداري، نوازشريف، مراد علي شاهه، شاهد خاقان عباسي سميت 80 سياستدان جا ڪرپشن ڪيس بحال ڪيا ويا آهن. اسحاق ڊار جي خلاف آمدني کان وڌيڪ اثاثن جو ڪيس به کوليو پيو وڃي. نيب ڪورٽ جي ذريعن موجب اڳوڻي صدر آصف علي زرداري خلاف جعلي اڪائونٽ ڪيسز به بحال ٿي ويا آهن. جڏهن ته قومي اسيمبلي جي اڳوڻي اسپيڪر راجا پرويز اشرف خلاف رينٽل پاور ڪيس به کوليو ويو آهي. نوازشريف، آصف زرداري ۽ يوسف رضا گيلاني خلاف توشه خانه گاڏين جو ڪيس به کوليو ويو آهي. ذريعن وڌيڪ ٻڌايو ته نيب فهرست جي حساب سان سڀاڻي سمورو رڪارڊ پيش ڪندي.
