نوجوانن کي منشيات مافيا کان بچائڻ لاءِ پرعزم آهيون، ميمڻ

ڪراچي (اسٽاف رپورٽر)سنڌ حڪومت طرفان منشيات وڪرو ڪندڙن خلاف ڪريڪ ڊائون جاري آهي، شرجيل ميمڻ جو چوڻ آهي ته هو نوجوان نسل کي منشيات مافيا کان محفوظ رکڻ لاءِ پرعزم آهن. سنڌ حڪومت طرفان منشيات وڪرو ڪندڙن خلاف ڪريڪ ڊائون جاري آهي. سنڌ جي ايڪسائيز ۽ نارڪو ٽيڪس کاتي شڪارپور ۾ ڳجهي اطلاع تي آپريشن ڪري جوابدار حامد علي کي گرفتار ڪري 2 ڪلو چرس هٿ ڪيو. ايڪسائيز ۽ نارڪو ٽيڪس کاتي، ملير ۾ يونيورسٽي جي شاگردن کي منشيات وڪرو ڪندڙ جوابدار نسيم کي گرفتار ڪري ورتو. ڪارروائي دوران گرفتار جوابدار وٽان 305 گرام آئس ۽ 5 ڪلو گرام چرس هٿ ڪيو ويو. گرفتار جوابدارن لخاف ڪيس داخل ڪري جاچ شروع ڪئي وئي. سنڌ جي سينيئر وزير شرجيل انعام ميمڻ ڪامياب ڪاررواين تي ٽيمن کي شاباش ڏيندي چيو ته هو نوجوان نسل کي منشيات مافيا کان محفوظ رکڻ لاءِ پرعزم آهن.

پهنجو تبصرو موڪليو