سيالڪوٽ (ويب ڊيسڪ)اڳوڻي وفاقي وزير ۽ مسلم ليگ ن جي اڳواڻ خواجا آصف جو چوڻ آهي ته مسلم ليگ ن جي باني اڳوڻي وزيراعظم ميان محمد نواز شريف جو داستان مهانگائي، لوڊشيڊنگ ۽ غربت تي ضابطو آڻڻ آهي.ميڊيا سان ڳالهائيندي خواجا آصف چيو ته لاهور جي جلسي گاهه ۾ 2 ڏينهن کان جوش آهي، هي منهنجي 35 سالن جي سياسي ڪيريئر جو سڀ کان وڏو جلسو هوندو.خواجا آصف چيو آهي ته ذوالفقار ڀٽو جي ڦاهي کانپوءِ به پيپلز پارٽي اڄ به زندهه آهي، ڀٽو کي ڦاسي ڏيڻ وارن جو نالو به ڪو نه پيو وٺي.خواجا آصف چيو آهي ته ماڻهن مشرف کي وساري ڇڏيو جنهن نواز شريف کي جلاوطن ڪيو، اڄ به نواز شريف جو استقبال ڪيو پيو وڃي.هن چيو ته هڪ شخص ملڪ جي سالميت کي چيلينج ڪيو جڏهن ته نواز شريف ملڪ کي ايٽمي طاقت بڻايو.ميڊيا سان ڳالهائيندي مسلم ليگ ن جو قافلو خواجا آصف جي اڳواڻي ۾ سيالڪوٽ کان لاهور روانو ٿيو.
