راولپنڊي (ويب ڊيسڪ)پاڪ فوج جي پبلڪ رليشنز (آءِ ايس پي آر) جو چوڻ آهي ته ملٽي نيشنل جوائنٽ اسپيشل فورسز جون مشقون ڪيون ويون. آءِ ايس پي آر موجب مشق ۾ پاڪستان، قازقستان، قطر، ترڪي ۽ ازبڪستان جي اسپيشل فورسز شرڪت ڪئي.پاڪ فوج جي پبلڪ رليشنز ڊپارٽمينٽ ٻڌايو آهي ته 2 هفتن تائين جاري رهندڙ پرڏيهي برادرانه مشق 2 17 سيپٽمبر کان بروٿا ۾ شروع ٿي، جنهن جي اختتامي تقريب ۾ ڪور ڪمانڊر 11 ڪور ڪمانڊر خاص مهمان طور شرڪت ڪئي.آءِ ايس پي آر جو چوڻ آهي ته مشق ۾ ڊي جي ملٽري ٽريننگ ۽ جنرل آفيسر ڪمانڊنگ اسپيشل سروسز گروپ پڻ شرڪت ڪئي، مشق ڪندڙ فوجين ۽ دوست ملڪن جي آفيسرن پڻ اختتامي تقريب ۾ شرڪت ڪئي.پاڪ فوج جي پبلڪ رليشنز ڊپارٽمينٽ چيو آهي ته مشق ۾ شرڪت ڪندڙ ملڪن جي اسپيشل فورسز گذريل ڏينهن پيشيوراڻي مهارت جو مظاهرو ڪيو.آءِ ايس پي آر موجب مشق جو مقصد مستقبل ۾ فوجي سهڪار لاءِ گڏيل دلچسپي جي شعبن جي نشاندهي به آهي جنهن سان دهشتگردي خلاف گڏيل ڪوششن کي هٿي وٺرائڻ ۾ مدد ملندي.
