ڪراچي(اسٽاف رپورٽر)سنڌ جي گهرو وزير ضياءَ لنجار آءِ جي سنڌ کان عيدالاضحيٰ جي سڪيورٽي پلان بابت پڇاڻو ڪيو.ضياءَ لنجار چيو آهي ته سمورن رجسٽرڊ فلاحي ۽ سماجي ادارن ۽ ٻين کي ضابطه اخلاق جو پابند بڻايو وڃي ۽ قرباني جي جلدن کي گڏ ڪرڻ ۽ منتقل ڪرڻ جي اجازتن جي جاچ ڪئي وڃي.صوبائي گهرو وزير چيو آهي ته سينٽرل ڪمانڊ اينڊ ڪنٽرول سينٽر کان مانيٽرنگ کي وڌيڪ موثر بڻايو وڃي، زونل ضلعي ڪنٽرول رومز ۽ پوليس اسٽيشنز جي وائرليس ڪنٽرول رومز کي وڌيڪ موثر بڻايو وڃي.هنن چيو ته مسجدن، عيدگاهن ۽ امام بارگاهن جي لسٽن جو جائزو ورتو وڃي، سادگي وارن اهلڪارن تي مشتمل مانيٽرنگ ٽيمون به ٺاهيون وڃن.
