تحرير محمد پروان واٽيو
سنڌ حڪومت پاران سنڌ جي تعليمي ادارن ۾ بهتري آڻڻ لاءِ کنيل قدم هڪ ساراهه جوڳو عمل آهي. تعليم ڪنهن به ملڪ ۽ قوم جي ترقي لاءِ تمام گهڻي اهميت رکي ٿي. تعليم کان سواءِ ڪو به معاشرو ترقي نٿو ڪري سگهي. جيڪڏهن اسان پنهنجي ٻارن کي سٺي تعليم ڏينداسين ته اهي مستقبل ۾ ملڪ ۽ قوم جي خدمت ڪري سگهندا.سنڌ ۾ ڪيترائي سرڪاري اسڪول ۽ ڪاليج موجود آهن، جتي هزارين شاگرد تعليم حاصل ڪن ٿا. انهن تعليمي ادارن ۾ بهتر سهولتون فراهم ڪرڻ تمام ضروري آهي.سنڌ حڪومت ۽ تعليم کاتي جو هڪ وڏو ساراهه جوڳو عمل اهو آهي ته سنڌ ۾ سنڌ جي نوجوانن کي روزگار جا موقعا فراهم ڪيا سنڌ ۾ استاد نوجوان ڀرٿي ڪري سنڌ جي تعليمي ادارن ۾ بهتري آندي شهر هجي ڳوٺ هجي يا کڻي چئجي ڪچو هجي جتي به اسڪول آهي اتي استاد موجود آهي سنڌ حڪومت جي ڪوششن سان سب اسڪول کليل آهن ۽ انهن اسڪولن ۾ استاد پڻ موجود ملندا۔ تعليم کاتي جون وڌ کان وڌ ڪوششون آهن ته جيئن تعليم کاتي ۾ وڌيڪ بهتري آڻجي, ته جيئن سنڌ جي هر ٻار کي تعليم جي سهولت آساني سان ملي سگهي ۽ ٻار تعليم حاصل ڪري سگهي۔
سنڌ حڪومت پاران اسڪولن جي عمارتن جي مرمت، ڪلاس رومن جي بهتري، فرنيچر جي فراهمي، صاف پاڻي، بجلي ۽ ٻين ضروري سهولتن تي ڌيان ڏيڻ هڪ مثبت قدم آهي.تعليمي ادارن ۾ استادن جو ڪردار پڻ تمام اهم آهي. استاد شاگردن کي صرف ڪتابي علم نه ڏيندا آهن، پر انهن جي اخلاق ۽ ڪردار کي به بهتر بڻائيندا آهن. ان ڪري استادن جي تربيت ۽ انهن کي جديد تعليمي طريقن کان واقف ڪرائڻ ضروري آهي. سٺا ۽ محنتي استاد شاگردن جي مستقبل کي روشن بڻائڻ ۾ اهم ڪردار ادا ڪندا آهن.اسڪولن ۾ صاف سٿرو ماحول هجڻ به ضروري آهي. صاف ڪلاس روم، مناسب فرنيچر، صاف پيئڻ جو پاڻي ۽ صفائي جون سهولتون شاگردن لاءِ بهتر ماحول پيدا ڪن ٿيون. اهڙي ماحول ۾ شاگرد دل لڳائي پڙهائي ڪندا آهن ۽ انهن جي تعليمي ڪارڪردگي پڻ بهتر ٿيندي آهي.
اڄ جي دور ۾ تعليم سان گڏ ڪمپيوٽر ۽ جديد ٽيڪنالاجي جي ڄاڻ پڻ ضروري آهي. جيڪڏهن سنڌ جي تعليمي ادارن ۾ ڪمپيوٽر، لائبريريون ۽ جديد سکيا جون سهولتون فراهم ڪيون وڃن ته شاگرد جديد دنيا سان گڏ اڳتي وڌي سگهن ٿا. غريب ۽ پٺتي پيل علائقن جي شاگردن کي به تعليم جا برابر موقعا ملڻ گهرجن.سنڌ حڪومت جي ڪوشش آهي ته تعليمي ادارن جي مسلسل نگراني ڪري ۽ جتي به مسئلا هجن، انهن کي جلد حل ڪيو پيو وڃي. اسڪولن ۾ استادن جي حاضري، شاگردن جي تعليم ۽ سهولتن تي خاص ڌيان ڏنو پيو وڃي. والدين ۽ استادن کي به حڪومت سان گڏجي تعليم جي بهتري لاءِ پنهنجو ڪردار ادا ڪرڻ گهرجي.
تعليم جي شعبي ۾ بهتري سان سنڌ جو مستقبل روشن ٿي سگهي ٿو. اڄ جا شاگرد ئي سڀاڻي جا ڊاڪٽر، انجنيئر، استاد، سائنسدان ۽ آفيسر بڻجندا. جيڪڏهن انهن کي بهتر تعليم ۽ سٺو ماحول ملندو ته اهي سنڌ ۽ پاڪستان جي ترقي ۾ اهم ڪردار ادا ڪندا.آخر ۾ اهو چئي سگهجي ٿو ته سنڌ حڪومت پاران تعليمي ادارن ۾ بهتري لاءِ کنيل قدم هڪ سٺو ۽ ساراهه جوڳو قدم آهي. اسان سڀني کي تعليم جي اهميت سمجهڻ گهرجي ۽ حڪومت، استادن، والدين ۽ شاگردن کي گڏجي تعليم جي بهتري لاءِ ڪم ڪرڻ گهرجي. تعليم ئي اها طاقت آهي، جيڪا سنڌ کي ترقي، خوشحالي ۽ روشن مستقبل ڏانهن وٺي وڃي سگهي ٿي
