ڪراچي (اسٽاف رپورٽر) ڪراچي ۾ رينجرز جي آفيس تي حملي جو ڪيس سي ٽي ڊي ۾ داخل ڪيو ويو آهي، ڪيس سرڪاري فرياد تي داخل ڪيو ويو آهي.ڪيس ۾ قتل، قتل جي ڪوشش، دهشتگردي جي انتظام واري ائڪٽ (اي ٽي اي) ۽ ملڪ دشمني جا قلم لڳايا ويا آهن.ڪيس ۾ قانون لاڳو ڪندڙ ادارن سان فائرنگ جي ڏي وٺ، ائڪسپلوژو ائڪٽ (بارودي مواد جو ايڪٽ) ۽ ٻيا قلم پڻ شامل ڪيا ويا آهن.رپورٽن موجب رينجرز جي آفيس تي حملي جا پنج ڪيس داخل ڪيا ويندا، پهرين مرڪزي ايف آئي آر داخل ڪئي وئي آهي، جڏهن ته وڌيڪ (ضمنی) ڪيس داخل ڪرڻ جو سلسلو جاري آهي.
