گلگت (ويب ڊيسڪ) اليڪشن ڪميشن گلگت بلتستان اسيمبلي جي چونڊن 2026 لاءِ اميدوارن جي آخري فهرست جاري ڪري ڇڏي آهي.فهرست موجب، ڪل 403 اميدوار ميدان ۾ لٿا آهن، جن مان 272 آزاد اميدوار آهن جڏهن ته 131 سياسي پارٽين جون اميدوار آهن.چونڊن ۾ ڪل 8 عورت اميدوار پڻ شامل آهن، 5 عورت اميدوار آزاد حيثيت سان چونڊن ۾ حصو وٺنديون، جڏهن ته پاڪستان پيپلز پارٽي، استحڪام پاڪستان پارٽي ۽ پي اين پي مان هڪ هڪ عورت اميدوار به ميدان ۾ آهي.پاڪستان پيپلز پارٽي پارليامينٽرين مان 23 اميدوار چونڊن ۾ حصو وٺندا جڏهن ته پاڪستان مسلم ليگ نواز مان 22 اميدوار ميدان ۾ لٿا، جمعيت علماءِ اسلام مان 9 اميدوار، اسلامي تحريڪ پاڪستان مان 10 اميدوار ۽ جماعت اسلامي مان 6 اميدوار به چونڊن ۾ حصو وٺندا.اهڙي طرح مجلس وحدت مسلمين جا 7 اميدوار چونڊ وڙهندا، جڏهن ته استحڪام پاڪستان پارٽي جا 15 اميدوار ميدان ۾ آهن. پاڪستان نظرياتي پارٽي جا 10 اميدوار به چونڊ وڙهندا، جڏهن ته ايم ڪيو ايم جا 6 اميدوار چونڊن ۾ حصو وٺندا، ۽ عوامي ورڪرز پارٽي جا 4 اميدوار به ميدان ۾ آهن.ان کان علاوه، عوامي نيشنل پارٽي، عوامي پاڪستان، مرڪزي مسلم ليگ، تحريڪ تحفظ پاڪستان پارٽي، سني اتحاد ڪائونسل ۽ تحريڪ لبيڪ پاڪستان مان هڪ هڪ اميدوار چونڊ وڙهندو. پاڪستان مسلم ليگ جا 11 اميدوار، جڏهن ته مسلم ليگ ق جو هڪ اميدوار به ميدان ۾ آهي. پيپلز پارٽي ٽاور گروپ جو هڪ اميدوار به چونڊ وڙهندو.
